﷽

كل مايخص تربية الفراخ البيضاء

أولاً

عايز تعمل مشروع بمبلغ بسيط ويكبر قدام عينك بدل القاعدة والانتظار لحد متشتغل بمؤهلك ويعالم امتى يبقا متفكرش وربنا هيوفقك " وقل اعملوا فسيرى الله عملكم ورسوله والمؤمنون"

1- تجهيز المكان

أهم حاجة المكان حسب العدد ممكن بلكونة وممكن غرفة في شقة ولكن بلاش فوق السطح عشان الحرارة وميكنش فيه فاقد للكتاكيت .

لازم وجود مكان مناسب للتهوية مع التدفئة بالنسبة للصيف أو الشتاء
لازم وجود فيش كهرباء قريبة من البطاريات أو مكان التربية
تجهيز لمبة صغيرة بيضاء في الصيف واللون أحمر في الشتاء للتدفئة " لمبة 100وات"

طب نعمل أيه !!

- نجيب لمبة حمراء في الصيف في حالة ان الكتاكيت في حالة انها ناقصة تدفئة هاتشفهم👀🐔🐔🐔

" متجمعين بجوار بعض " هنا هنحتاج لمبة "40" وات حمراء

- لوالعدد أقل من 20 كتكوت هنا فترة التحضين هتكون في كرتونة خارج مكان التربية 🐔🐔

- لو العدد أكثرمن 30 كتكوت هنا فترة " التحضين" هتكون داخل البطارية أو في مكان التربية " غرفة أو بلكونة"

عن طريق فرش نشارة أو تبن " جير مطفي"🐓🐓

2- تركيب البطارية

هناك أنواع كثيرة من البطاريات حسب كل نوع " حديد - بلاستيك - خشب " سواء عمولة أو جاهز☝.

بنرشح الخشب أو البلاستيك للمبتدأ بمتوسط سعر 1000جنيه
الحديد حسب نوع الحديد والشكل بمتوسط سعر 4500 جنيه

- هناك أرتفاعات حتى 3 متر ونص من دور حتى 3 أدوار وبنرشحلك دورين.

- الدور الواحد يحوي 6 فراخ في الصيف و8 فراخ في الشتاء.

👈 لابد من شراء سقاية حسب الحجم والعدد للفراخ لابد منشراء أكالة حسب الحجم والعدد للفراخكلدور بالبطارية سقاية وأكالة واحدة.

3- النظافة

☝لابد من النظيف أول بأول حتى نتجب الأمرض للفراخ ولحضراتكم .

- 🧤لبس الجوانتي ضرورى في حالة لو مش واخذة على موضوع التربية عشان تلمى السبلة بتاعت الفراخ.

- في حالة وجود نشارة أو تبن مع الجير نقوم بتقليب النشارة والتبن ونزيد عليهم في الشتاء.

- في الصيف طبقة نشارة خفيفة مع الجير ونقوم بلمها عشان الريحة والحر.

- بالنسبة لعدد 25 كتكوت فالنظافة بتكون يوم بعد يوم أما في حالة أكثر من 40 كتكوت فالنظافة بتكون يومياً.

4- سلك التحضين

☝لابد نجيب سلك تحضين لمدة أسبوع بالنسبة للبطاريات عشان الكتاكيت تتحرك بسهولة ونشيله بعد 10 أيام .

- الكتاكيت + التطعيم الانواع بتفرق هنا أزاى :-

🐤🐥🐣استقبال الكتكوت

☝أول ساعتين كيس محلول جفاف + لتر مياه فلتر وممكن ياخذ مضاد أولا حسب مناعة الكتكوت وفي نفس اليوم ياخذ فيتامين وكل ده لمدة ثلاث أيام .

🐤 " الروص " وده بيستحمل درجة الحرارة العالية في الصيف وبيكون اللحم في الوراك بس.
🐤 " الكب " وده مناسبللشتاء أكثر وبيكون لحم في الصدر للي بيحب ياكل بانيه.
🐤 " ايفيان " وده مناعته كويسه بيرمي اوزان كويسة لكن لا أنصح به لانه لو تعب لا يستجيب للدواء زي الكب والروص
🐤 " هابر " وده بيرمي لحم في الصدر والوراك وتحوله مش سريع بس مش بيستحمل وريشه قليل وبيستحمل الحر.
🐤 " أريو " وده يعتبر نشاط وحيوية ومناعة وسريع الاستجابة في الصيف أو الشتاء وبيرمي لحم في الصدر والورك.
🐤 " er " وده سلالة جديدة أفضل كتكوت بيرمي لحم 17 يوم ومفتوح الشهية ولكن حساس وأستجابته للأدوية معدومة ولاأنصح للتربية في الشقق والأماكن المقفولة.